Kanina pa hindi mapakali si Ethan. Kaagad nilang dinala sa hospital ang dalaga ng mawalan ito ng malay. Puno ng katanungan ang kanyang isip tungkol sa anak ng dalaga ngunit walang imik ang mga tao sa paligid niya ng tanungin niya ang mga ito. Umupo siya sa tabi ng kama ng dalaga at sa naghihirap na kalooban ay mahigpit na hinawakan sa kamay si Jade.
"Please, wake up babe," he whispered agonizingly. Puno ng takot at pangamba ang kanyang dibdib dahil sa mga nangyayari. Takot para sa babaeng pinakamamahal na kasalukuyang walang malay. Litong lito na rin siya at napakaraming katanungan ang tumatakbo sa kanyang isipan. Nasa ganoon siyang kalagayan ng biglang pumasok sa kwarto si Mr. Velarde. Nakaupo into sa wheel chair at tulak-tulak ng isang nurse. Walang gaanong pinsalang natamo ang matanda.
