MARAHANG idinawdaw ni Bernard ang face towel sa malamig na tubig at saka iyon piniga at ipinunas sa mukha ng nahihimbing na si Tori.
“I hate you!” ungol ni Tori habang pinupunasan niya. Tinabig pa nito ang kamay niya habang nakapikit at nakasimangot bago ito tumalikod sa kaniya.
Humugot siya nang malalim na hininga nang marinig niya ang paghikbi ng dalaga pagdaka’y kinuha ang isang unan at itinuon iyon sa ulo bago humagulgol. Mas nasasaktan siya sa nakikitang pag-iyak ng dalaga pero siya naman ang may kasalanan ng lahat. He is the one to blame on why Tori is hurting right now.
“Tori,” usal niya at saka banayad na hinaplos ang braso nito na tinabig nito nang marahas.
“Don’t touch me! Don’t you ever touch me!” galit na singhal nito sa kaniya.
Muli siyang napahugot ng hangin at pinuno
