“TORI… Tori… lunch is ready,” tawag at yaya ni Bernard kay Tori. Ilang katok ang ginawa niya ngunit makaraan ang halos treinta segundo ay ni hindi man lang sumasagot si Tori sa kaniya. “I’m coming in,” babala niya bago itinulak pabukas ang pintuan.
Kumunot ang noo niya nang maratnang gising na ang dalaga. Hawak nito ang cellphone nito at prenteng nakasandal sa headboard habang ang dalawang paa ay nasa ibabaw ng kama at kumukuyakoy. Ni hindi man lang ito nag-angat ng mukha para tingnan siya bagama’t halatang pinakikiramdaman nito ang bawat kilos niya simula nang pumasok siya sa loob ng kuwarto nito.
Tumikhim siya ngunit tila wala pa rin itong narinig.
“Halika na. Lalamig ang sinampalukan,” yakag niya rito.
She remained quiet and kept scrolling in her phone. He took a deep breath to co
