HALOS mahigit ni Tori ang hininga niya nang pagbukas niya ng pinto ng clinic ay ang madilim na mukha ni Bernard and sumalubong sa kaniya. Nakahalukipkip ito sa mismong tapat ng pintuan ng clinic at halatang naghihintay sa kaniya. Nakasimangot niyang sinulyapan ang isa sa dalawang nurse na naroon sa loob ng clinic. Sigurado siyang ito ang nagturo kay Bernard na naroon siya nang lumabas ito kanina habang tinitingnan siya ng doktor.
Walang kibong lumapit sa kaniya si Bernard at saka siya hinawakan sa braso niya.
“Okay ka na ba?” bagama’t galit ay halata ang concern sa boses at mga mata ng binata.
Pasimple niyang iwinaksi ang kamay nito at saka naglakad sa hallway patungo sa elevator. Kinuha nito sa kaniya ang dala niyang reseta mula sa doktor at saka siya inalalayan sa pagpasok sa loob n
