SOMETHING’S up. Iyon ang paulit-ulit na umuukilkil sa utak ni Bernard nang makita ang ekspresyon ng mukha ni Tori habang naghihintay siyang magkaroon ng space sa men’s toilet.
“Can I steal her away from you, anak, after our lunch?” salubong kaagad sa kaniya ng mommy niya pagkabalik niya mula sa palikuran.
Bahagyang kumunot ang noo niya. Bagama’t nakangiti ang mommy niya, bakit banaag niya ang lungkot sa mga mata nito at nang tiningnan niya si Tori na sa ibang direksyon nakabaling ang tingin ay tila ba ito hindi mapakali at halos mapudpod na kuko sa pagkakatayo nito.
“Okay ka lang ba?” imbis na sumagot ay tanong niya kay Tori saka siya humakbang patungo sa mismong harap nito at dumukwang upang mataman itong tinitigan. “Bakit namumula ang mata mo? Masama ba ang pakiramdam mo?” nag-aalal
