“UULIT ka pa?”
Ungol lang ang naging tugon ni Gabrielle sa tanong na iyon ni Agila. Hiyang-hiya siya rito at hinang-hina dahil sa kasalukuyan niyang kondisyon. Nakaluhod siya sa toilet bowl at katatapos lang magsuka. Hawak-hawak ni Agila ang buhok niya.
Ito na ang nag-flush ng toilet nang sa tingin nito ay wala na siyang mailabas. Nagtungo siya sa lababo at nagmumog.“Iwan mo muna ako,” hiling niya sa kanyang nobyo.
“Are you gonna be okay?”
Tumango siya. “Kailangan ko lang ng privacy.”
“Okay. Nasa labas lang ako ng pinto. Yell if you need something.” Hinagkan muna nito ang noo niya bago ito tumalikod at lumabas ng pinto.
Paglabas nito ay ikinandado niya ang banyo. Mabilis niya iyong nilinis at nag-spray ng air freshener. Nakakahiya nang madatnan siya sa ganoong estado ni Agila, ayaw n
