Agatha
LUMIPAS ang ilang linggo. Naroon ako sa veranda at pinakikiramdaman ang tahimik na gabi habang may binabasang medicine book. Kaya lang ay hindi doon nakatuon ang atensiyon ko. Maraming naglalaro sa isip ko tulad na lang ng kung paano ko babawiin ang mansion ni dad kay Tita Berta. Kapag natapos ang ginagampanan ko sa buhay ni Tibor, doon ako agad pupunta.
“Found you,” he said. Umupo siya sa aking tabi. Pinipilit niyang makaakyat dito sa itaas kahit na nga sinabihan siya ni Angela na huwag na muna. Knowing Tibor, sino ba ang makapipigil sa mga gusto niyang gawin? Gumagamit na siya ng saklay dahil magaling na ang isa niyang binti.
“Hi!”
“Anong iniisip mo? I have champagne here.” Tukoy niya sa bitbit na bote. Mayroon din siyang dalang dalawang kopita. Nagsalin siya ng likido roon a
