Agatha
HALOS kumulog ang boses ni Angela na kalalabas lang ng gate. Siya ang nagpagising sa tila binalot ng demonya na awra ko kani-kanina lang. Humugot ako ng hangin para kalmahin ko ang aking sarili.
“Lumabas ka rin sa wakas! Gusto kitang makausap dahil kulang ang binigay mong budget sa ‘kin! You are manipulating dad!” ani Evelyn.
“Ma’am Angela, sinampal niya kami ni Agatha,” sumbong ng kasambahay na naiiyak.
“Lumayas ka ng bahay ko kung gusto mong dagdagan ko ‘yang pagdudugo ng ilong mo!”
Nanlaki ang mata ni Evelyn matapos pahirin ang ilong at may makitang dugo roon.
“Magtutuos tayong dalawa!” wika niya sa akin at hindi kay Angela. Bumalik siya sa kanyang sasakyan at saka nagagalit na pinaharurot iyon paalis.
“Oh, my God! Sinuntok mo siya?” ani Angela na nanlalaki ang mata
