Agatha
“KUNG tungkol na naman ‘yan sa daddy mo ay wala akong sasabihin!” aniya bago siya nag-angat ng tingin sa akin. “Aba’t! Ano gang nangyari sa’yo? Bakit ganyan ‘yang ayos mo?”
Tumayo siya at saka umismid. Pumalatak. “Tsk! Tsk! Akalain mong ibibigay mo rin ang sarili mo sa nobyo mong tisoy!”
Nagsalubong ang aking kilay at saka muling pinagmasdan ang sarili ko na naroon sa salamin ng isang tokador sa paligid. Madungis ang school uniform ko. Hindi pa nasuklayan ang buhok ko nang tuluyan sa pagkakasabunot ni Janice at may ilang punit din pala ang suot kong palda.
“Wala pong naganap sa amin,” sabi ko sa kanya.
“Kuu!” Naiiling siya. Wala naman akong pakialam sa nais niyang isipin.
“Tungkol po sa sasabihin ko. Kailangan ko ng pera. Hihingi sana ako ng porsiyento sa bayad sa renta sa
