February 2018
Narinig ko na ang pre-boarding announcement para sa flight ko ngayong araw. Agad kong ginawaran ng isang mahigpit na yakap ang mommy ko, dalawampung minuto na lamang kasi ay kailangan ko ng pumunta roon sa boarding area.
Buong pamilya ko ang naghatid sa akin dito sa airport ngayong umaga; si Kuya Edward ang nagmaneho ng aking sasakyan. Hindi na ako nagpahatid sa mga kabarkada ko dahil nakapagpaalaman na rin naman kami kagabi sa isa't isa sa ginanap na farewell party ko sa bahay.
“Mag-iingat ka roon, tatawag ka palagi sa amin,” ang malungkot na pamamaalam sa akin ni Mommy bago siya tuluyang kumalas mula sa kanyang pagkakayakap.
“Sis, malay mo French pala ang makakatuluyan mo,” biro ni Ate Amethyst habang karga niya ang aking pamangkin na si Christine. I just bestowed a swe
