Hindi kami nag-iimikan habang binubuhat niya ako pasakay ng van. Nalaman ko na dadalhin pala nila ako sa pinakamalapit na district hospital ng lugar na iyon. Parang ang OA na nga! Wala na nga akong maramdaman na kahit na anong sakit ngayon bakit kailangan pa rin akong dalhin sa ospital? Nahilo lang talaga ako kanina dahil sa sobrang stress at iyong pulikat ko naman ay dala marahil ng matagal kong pagkakatayo kanina.
Ang totoo? The only thing that bothered me was my confused feeling!
Sumama pa rin si Marco sa pagdala sa akin sa ospital, katabi ko siya sa van na sinasakyan namin. Sinamahan din kami nina Manolo at isang miyembro ng medic team. Pinapaypayan ako nito at pinapainom ng tubig.
“Salamat nga pala sa pagbuhat sa akin kanina Marco. Dala siguro ng sobrang pagod kaya ako nahilo kanin
