Natigilan ako nang makita ang lugar na pinagdalhan ni Nick sa akin. Ito 'yong lugar kung saan siya nagtapat ng nararamdaman sa akin noon. Isang lugar na medyo masukal. Mataas ang kinalalagyan nito kaya kitang-kita ang magandang view sa ibaba lalo na kapag dami dahil sa iba't-ibang kulay ng mga ilaw sa mga kabahayan. Malamig ang hangin. Mataas rin ang bangin.
Napatingin sa akin si Nick bago ito lumabas ng kotse. Hindi ako makagalaw hindi dahil sa ayaw kong lumabas kundi dahil sa nagsibalikan ang lahat ng mga masasayang araw namin na magkasama.
"Let's have our talk here." Narinig kong sabi niya pero nanatili akong nakaupo sa loob ng kotse niya.
Lumakad siya palapit sa bangin at pinagmasdan ang kapaligiran habang inaalon-alon naman ng hangin ang kanyang maikling buhok.
"Larah," tawag niya
