"May bisita pala kayo. Di niyo man lang sinabi," sabi ni Nick habang nakatayo sa pintuan ng dining area. Agad akong tumayo at ipinakilala ko si Jom sa kanya.
"Siya si Jom, ang doktor na nag-aasikaso sa akin kapag magpapa-check-up ako..." sabi ko habang nakatingin ako kay Nick. Si Jom naman ang binalingan ko, "...Jom, siya si Nick, ang-----"Asawa niya," agad na putol ni Nick sa iba ko pa sanang sasabihin.
Tumayo si Jom saka niya inilahad ang kanang kamay niya sa harap ni Nick.
"Nice to meet you," nakangiti pang sabi ni Jom pero ni hindi man lang tinanggap ni Nick ang kanyang kamay. Tiningnan lang niya ito.
"Jom? Hindi ba parang napaka-informal naman kapag sa pangalan mo lang tatawagin ang isang doktor?" tanong ni Nick saka siya tumingin sa akin na para bang nanunudyo siya sa tono ng ka
