Scandal
Hindi ko na alam kung paano ako mabilisang nakapunta sa bahay nila South kasama sina Arih at Franca. Nadatnan ko pa ang pagsipa ni White sa gate para lang pwersahan iyong buksan.
"Labas, Buenaventura!" galit na sigaw ni White at halos ayaw magpaawat kay Kuya Toshi at Kuya Grey na naroroon narin kasama pa ang iba kong mga pinsan!
"White!" Nag-amba akong tumakbo papunta sa kanya nang sinenyasan lang ni Kuya Toshi si Ken na harangan ako. Sa galit niya ngayon, balewala lang ang presensya ko.
"Ano bang problema, White? Pag nalaman ito ni Tita Aly ay makakarating agad ang balitang ito kay Mommy. Malalagot tayong lahat." Pagbabanta agad ni Kuya Toshi nang hawakan niya ito sa balikat at pigilan sa pagsipang muli sa gate na kumakalampag ng malakas dahil sa matinding pwersang ibinibigay
