Siya lang
"Napapansin ko, cellphone kana nang cellphone ah?" puna ni White nang kumakain kaming dalawa ng agahan. His parents left early. Naiwan na naman kaming dalawa at tanging kasambahay lamang ang kasama.
Napatingin siya sa cellphone kong nasa gilid lang ng aking plato na kahit ako ay napatingin narin doon. Nasa screen pa ang text ni South.
"N-Nanonood lang ako ng vids..." kinuha ko iyon at ipinasok sa aking bulsa. Kumunot naman ang noo niya at natatangay ang tingin sa aking cellphone na kahit hindi niya na nakikita ay naroon parin ang kanyang mga mata.
"Imposible namang may lalakeng pumorma sa'yo sa eskwelahan." sigurado niyang sabi na ikinanguso ko. Iyon narin ang sabi ni Ken. Tinataboy pala talaga nila. O baka tinatakot.
"Bakit kayo ganyan?" sumimangot ako. "Gustong gusto k
