Pagdating nila sa paborito n'yang coffee shop, agad siyang tinanong ni Ed. " Same order as always?"
Ngumiti s'ya at tumango. Kilalang-kilala na s'ya nito. Ialang minuto lang habang hinihintay ang order nila, dumating naman agad ito.
"Alam mo, Babe...." panimula ni Ed matapos humigop ng kape saka tumingin sa labas ng bintana. "hindi ko naman talaga iniisip na may babalikan ka pa kay Kurt. Pero hindi ko pa rin maiwasang magtaka kung bakit hindi mo agad sa akin sinabi."
Napakagat-labi s'ya. "Natakot ako na baka magalit ka. Kasi ex ko na 'yun. Na baka isipin mong may natitira pa akong feelings para sa kanya, kahit wala na talaga."
Tumingin sa kanya si Ed. "Teen..."
Minsan lang s'ya nito tawagin sa palayaw n'ya, kaya parang may kung anong tumalon sa puso n'ya.
"Ayokong matakot ka sa akin
