Panay ang lingon sa kanya ni Kurt, pansin n'ya iyon sa kanyang peripheral vision. Tila ba naninimbang ito, kung magsasalita o mananahimik na lang.
Tumigil ang kotse ni Kurt sa tapat ng isang simple Cafe. Mabilis itong bumaba mula sa driver's seat at naglakad sa kabilang side ng sasakyan. Pinagbuksan s'ya nito ng pinto. At kahit alamn'yang hindi na nito dapat gawin ang pagiging gentleman sa kan'ya, hinayaan na lang n'ya ito tutal ay first at last na gagawin nito iyon sa kanya.
Sabay silang pumasok sa loob ng Cafe. Kahit kinakabahan ay pilit s'yang ngumiti rito. Ayaw naman n'yang magmukhang bastos, kaya pilit, ngumiti pa rin s'ya rito.
Dumiretso sila sa counter saka umorder. Ramdam niya ang bahagyang pagdikit ng braso ni Kurt sa kanya, dahilan para mapasinghap siya nang bahagya. Hindi niy
