"RHIA..."
Napalingon ako nang tawagin ni Kael ang pangalan ko sa mabuway na tinig. Para lamang makitang halos pikit na ang mga mata nito at talagang hindi na makalakad ng maayos. Nauuna ako sa mga ito habang paakyat ng hagdanan. Akay ito ni Kuya Rafael at ng pinsan nito, na kung hindi ako nagkakamali ay Bogs ang pangalan. Ang isa ay naiwan sa sala at pasalampak na nahiga sa sofa.
"Tng ina talaga n'on ni Mackoy, wala talagang silbi." Reklamo pa ng pinsan nito habang hirap na pinagtutulungan nila ni Kuya Rafael na iakyat si Kael sa hagdanan.
Nagpupumiglas kasi ito at panay ang tawag sa pangalan ko.
"Hoy, Kael, manahimik ka na nga!" Singhal naman nito sa akay na pinsan. Mukhang lasing din ito, pero mas 'di hamak na lasing nga lang si Kael. "Pvta, kapag nalaglag tayong tatlo rito sa hagdan
