"WHAT THE HELL, PARE?!"
Napakunot pa ang noo ko nang marinig ko ang mahinang asik ni Kael, sa marahil ay kausap nito sa cellphone.
Noong bumaba ako kanina ay mahimbing na mahimbing pa ang tulog nito. Sinubukan ko pa itong gisingin para sana pumasok sa opisina ngunit talagang tulog ito. Panay ungol at tango lang ang isinasagot nito sa akin, kaya't hinayaan ko na lang.
Kinailangan ko namang bumangon dahil kailangan kong magluto ng almusal at igayak si Nickos para sa pagpasok naman sa eskuwela.
Mabuti na lang talaga at mahimbing matulog ang alaga ko. Ni hindi ito naistorbo sa komosyon nang nagdaang gabi.
"Sino ang naghatid sa akin dito sa bahay?" Muli ay mahinang anito sa kausap matapos ang ilang sandali. "Hindi ba, sinabi ko--"
Naputol ang iba pang sasabihin nito nang tuluyan na akong
