"BEATRICE!"
Mabilis akong lumingon sa pinanggalingan ng tinig na iyon at bumungad sa akin ang papalapit na bulto ni Kuya Rafael.
"Kuya Rafael..." bati ko rito na may alanganing ngiti sa mga labi. "A-anong ginagawa mo rito?"
Narito ako sa pinapasukang paaralan ni Nickos. Kanina ay tumawag sa bahay ang teacher nito upang mag-abiso na kinakailangan daw na sunduin ng mga magulang ang mga bata sa araw na ito sapagkat hindi raw ang mga ito maihahatid ng school bus. Ayon pa sa teacher ni Nickos ay tinatawagan niya raw diumano ang numero ng cellphone ng daddy nito ngunit wala raw sumasagot. Sinabi ko na lamang dito na nasa opisina ang huli, kaya't baka may importanteng ginagawa kaya hindi sumasagot sa tawag nito.
Nakaringgan ko ngayon lang, mula sa kwentuhan ng ilang mga magulang at tagapag-al
