"WEAR THIS."
Iniumang sa akin ni Kael ang isang puting roba, na hindi ko alam kung saan nito nakuha.
Mula sa nagkakasiyahang mga pinsan nito ay binalingan ko ang binata. Sandali kong pinasadahan ng tingin ang hawak nito, bago inangatan lang iyon ng gilid ng mga labi ko at muling ibinalik ang aking tingin sa mga pinsan nito sa pool.
Sa isang saglit ay parang nakalimutan ko ang inis ko sa katabi ko. Hindi ko maiwasang mangiti habang nanonood sa mga pinsan nito habang tila mga batang naglalaro at nag-aasaran sa tubig.
Nahati sa dalawang grupo ang magpipinsan. Paunahang makapagbalik-balik ng dalawang beses sa magkabilang dulo ng malaking swimming pool, at kung sinong grupo ang matatalo ay lulusot sa ilalim ng mananalong grupo sa ilalim ng tubig.
Ang lakas ng tawanan ng mga lalaki dahil na
