Abot langit naman ang ngiti ni Mommy Loida nang makita ang mag-ina ni Kendrick. Hindi niya napigilan ang humagulgol sa saya dahil ang matagal na niyang pinapanalangin ay natupad na.
Magkayakap sila ni Rayleen na para bang ayaw na nilang bitawan ang isa’t isa.
“I miss you so much mommy, I’m sorry kung umalis ako ng hindi nag paalam sa’yo. I’m sorry sa mga kasalanan na nagawa ko. Hindi ko alam kung saan magsisimula para mapatawad mo ako.”
Hikbi ni Rayleen sa balikat ni Donya Loida.
“Shh.. Wala kang kasalanan, hindi ako galit sa’yo, Rayleen, thank you dahil kahit malaki ang kasalanan ni Kendrick sa’yo pinatawad mo pa rin siya. Sobrang saya ko dahil nandito na kayo ulit akala ko tuluyan mo na kaming kinalimutan, maraming salamat anak.” Aniya na panay ang punas sa luha nito. “Ken, ito
