CHAPTER 19
Nakaupo lang si Jadd sa sofa habang nanonood ng movie sa Netflix at ako naman ay naglilibot sa penthouse niya. He has a study area here at ang dami niyang libro! Ang sabi niya sa akin binabasa at nabasa na raw niya ang mga iyon kaya hindi ko mapigilang mamangha sa utak ng taong ‘to. Mahilig din akong magbasa, at mayroon din akong sariling study area at bookshelves sa kwarto, pero ‘yung level ng kaniya ay triple yata nung sa ‘kin.
Mostly ang libro niya ay Sci-Fi, Horror, Action, at kung anu-ano pang logical na libro including those which are related to his degree right now. Ngunit napahinto ako sa ginagawa ko nang may makita akong kakaiba ang itsura roon sa bookshelves. Medyo makapal din at dahil na-curious ako ay kinuha ko ito mula sa shelf. Napaawang ang labi ko nang makit
