NAKAUPO si Brea sa kama ni Liam ng mga sandaling iyon. Kausap ni Liam ang mommy nito sa ibaba. Marahil ay nag uusap ang mga ito sa naging problema ng mommy nito at ng daddy nito. Kaya naisip niyang magtungo na sa kwarto ni Liam upang maligo. Pero ng makapasok siya sa loob ay parang nanghihina siyang naupo na lang sa kama ni Liam.
Talaga bang matutulog sila ni Liam ng magkatabi? Paanong kung mangyari ang hindi dapat mangyari? Hindi niya alam kung makakaya niyang mag timpi kung aakitin siya ni Lliam dahil lagi naman siyang trina-traydor ng katawan niya.
Napapikit siya ng marriin. Mukhang malaking problema itong pinasok niya ngayon. Ano na ang gagawin niya?
Napaangat ang tingin niya sa pinto ng kwarto nang marinig niyang bumukas iyon. Iniluwal niyon si Liam.
"Akala ko ba ay maliligo ka
