“Your biological father, I mean.” Halos malaglag ang puso ni Madison mula sa kanyang dibdib matapos marinig ang mga katagang iyon.
Tila naging barado ang magkabila niyang tenga sapagkat ang mga sumunod na kataga ni Celeste ay hindi na rumerehistro sa kanyang isipan. Muling na lamang nagbabalik sa likuran ng kanyang isipan ang katotohanang nasaksihan dalawang gabi na ang nakakaraan.
“Wala ka man lang bang balak na kausapin siya? Aalis ka nang ganon-ganon na lamang?” Pabugtong na pagtatanong ng kanyang tiya na nagdulot upang humugot siya nang malalim na hininga.
“Hindi ko alam ang sinasabi mo.” Matigas na wika ng dilag at aakmang tatayo. Natigilan lamang siya nang mabilis na humakbang sa kanyang harapan ang pinuno ng lihim na konseho at tinapik ang kanyang balikat. As i
