Masiglang inunat ni Alison ang kanyang mga kamay sa hangin. Ilang araw din siyang nakaratay sa higaan bilang pagsunod na rin sa mangagamot na nangalaga sa kanya. She never felt this energized her entire life. Maging siya ay namangha sa aliwalas ng kanyang itsura nang manalamin siya kanina. Kaya pala ganoon na lamang kabilis ang panunukso ng kapatid na si Madison sa kanya.
“Ali.” Isang tinig ang pumukaw sa gitna ng tahimik niyang pag-iikot sa kampo. Nang lumingon siya’y tumambad sa kanya ang nakangising mukha ni Eleonor.
“Eli.” Tinugunan niya ng matamis na ngiti ito. Tumigil ang pinsan sa kanyang harapan at isinukbit ang kamay sa kanyang braso. “Mukhang maganda ang gising mo?”
Umiling lamang ito bilang pagtugon sa kanyang puna. “Mabuti’t pinayagan ka na nilang m
