Muling kumagat ang dilim sa kampo. Lumipas ang mga araw nang walang nagaganap na kaguluhan kaya’t naging panatag ang pag-iisip ni Alison. Dahil abala rin si Gael sa pagsasanay ng mga bagong kawal, tuwing sasapit ang gabi na lamang sila madalas makapag-usap.
Ang kanyang pahingahan ang kanilang madalas na tagpuan kaya naman nagmamadali siyang pumunta roon matapos maghapunan kasama sina Eleonor at Madison. Napawi ang malapad na ngiti sa kanyang labi nang hindi ang binatang Alpha ang madatnan sa kanyang silid.
“You’re expecting someone else?” panunuya ng kanyang ina na nilingon ang kanyang pagdating.
Napasapo siya ng batok at nahihiyang umiling. “Magandang gabi, Ina.”
“Magandang gabi.” wika naman nito at kasabay ng isang ngiti na nagpapaanyaya sa kanya upang umupo sa
