KABANATA 31 PART IV
BAGO PA man maipihit ni Senyorito Raphael ang door knob ay nakarinig na kami ng ilang nagmamadaling yabag sa tiled floor ng palapag.
Mula sa heels ng magkasunod na si Senyora Melida at Senyorita Maurice.
"Angeline!"
"There, there! Senyora! My gosh, hindi ko matignan ang babaeng iyan sa kakapalan ng mukha niya!" Halos mag-usok ang ilong na bungad ni Senyorita Maurice.
Lumapit sila sa 'min kasunod ang ilang mga kasambahay na nakaalalay sa likuran nila bilang utusan, isa na roon ang mga kaibigan kong nakikisilip para makita ako at panaka-naka ang pandidilat ng mga mata.
"Melida, nag-usap na tayo kanina, now leave us alone." Malamig na sambit ni Senyorito Raphael.
"At ano sa tingin mo ang gagawin mo sa silid ng tatay mo, Raphael?" Bakas sa tono ng Senyora ang pa
