MALALIM na ang gabi nang humimpil ang limousine sa tapat ng bahay ni Alaina. Sandaling sumulyap si Randall sa labas bago niyuko ang dalaga na malalim ang tulog habang nakahilig sa balikat niya. May init na humaplos sa dibdib niya at bahagyang napangiti habang nakatitig sa maamong mukha ni Alaina. Umangat ang kamay niya at hinawi ang ilang hibla ng buhok na tumabing sa mukha ng dalaga at inipit iyon sa tainga nito.
Knowing that she opened her heart for him made him extremely happy. Hindi siya nagsisisi na sinunod niya ang payo ni Salem na mag-isip at kumalma muna bago gumawa ng susunod na hakbang. Kung nagpadala siya sa devastation niya nang una niyang malaman na hindi siya natatandaan ni Alaina ay baka bumalik na lang siya sa UAE at hindi na gumawa ng paraan upang mapalapit ul
