KINABUKASAN ay nagulat si Alaina nang pagdating niya sa restaurant ay naroon na si Lilian. Maaga pa naman siya pumasok dahil off naman ni Lucas sa araw na iyon at siya ang kailangan mag supervise sa kusina maghapon. Hindi pa nga sila bukas. May bitbit na Ipad ang babae at bakas sa mukha na may gustong gusto itong sabihin sa kaniya. Katunayan sinundan pa siya nito hanggang opisina nila.
“Hindi ka maniniwala sa nalaman ko, Alaina,” bulalas ni Lilian.
“Ano?”
Inilahad ng babae ang Ipad sa kaniya. “Tinawagan ko talaga ang Adrian Rufino na sinabi ni Randall at sinabi niya sa akin kung sino siya. Pagkatapos ay sinearch ko sa google ang pangalan niya at tingnan mo ang daming artikulo na lumabas!”
Takang inabot niya ang Ipad at tiningnan ang screen. U
