Aiden's P. O. V.
Nakatingin lang ako sa napakaganda kong asawa na buhat-buhat ang dalawang taon naming anak na si Astraea. Tuwang-tuwa naman si Isleen dahil suot ng anak namin ang pinagpupuyatan niyang dress.
"Tignan mo, Hon, sakto lang sa kaniya. Ang galing ko sumukat!" ani Isleen.
Binaba ko ang tasa ng kape na hawak ko at nilagay sa lamesa. Lumakad ako papalapit sa kanila. Ngayon ay nasa garden kami. Kakatapos lang kasi dumede ni Astraea kaya nilabas na ni Isleen para maarawan.
"Pabuhat naman ng prinsesa ko," ani ko.
"Dada~!" tawag ni Astraea at kinawag ang mga paa nito.
"Love na love ang Daddy!" ani Isleen.
Kinarga ko si Astraea at sumimangot naman si Isleen.
"Nagtatampo ang Mommy mo, anak."
"Grabe, sa akin ka ba talaga galing ng siyam na buwan? Bakit
