Nang bumuti na ang aking pakiramdam ay nagtungo na ako sa isang silid kung saan kami maguusap ni Reyna Sabrina kasama si Deity Naruu. Kinakabahan ako sa mangyayaring paguusap dahil pakiramdam ko ay hindi lamang ito patungkol sa akin. Huminga ako nang malalim at nagpokus na lamang sa paglalakad. Si Mor lamang ang kasama ko gayon dahil ginagamot pa si Zeref hanggang ngayon. Mukhang naging malalim ang tama niya kanina. Ang mga guwardiya naman ay nakabantay na sa buong palasyo at mas mainam na maglakbay ako nang kaunti lamang ang kasama upang hindi ako mapaghalataan na ako ang reyna.
Nahulog ang korona ko kaninang nakikipaglaban ako at hanggang ngayon ay hindi ko pa ito nakikita. Hindi ko alam kung nasira na ba ito o may nakakuha na. Hindi ko na muna ito inisip dahil sigurado naman akong
