ALAS-SINGKO pa lang nang umaga ay gumising na siya para maghanda sa kanyang pagpasok. Ayaw niya kasing mahuli dahil ngayong araw kailangan nilang pag-aralan ng sabay-sabay ang Thesis Paper nila dahil sa susunod na araw ay defense na nila.
Baka kapag di sila nag-overnight stay sa isang bahay na magkakasama ay tiyak na babagsak sila. Ayos lang sana kung siya lang ang tatanungin tungkol sa Thesis nila kaso kapag lahat sila tinanong tiyak magiging sablay ang tatlo sa pagsagot. Kaya kailangan lahat sila ay alam ang bawat bahagi ng thesis nila para kung sakaling tanungin ang sinuman sa kanila ay may maisagot sila.
As usual siya ang nag-type at pumili kung ano ang dapat ilagay na content dahil wala siyang ibang maaasahan sa ka-groupmates niya lalo na kay Allysa na walang maiaambag kung ‘di re
