"Ano? Hindi pa ba gising ang babaeng 'yan? Nakatikim lang ng pagiging prinsesa akala mo kung sino na," malakas na bulyaw ng isang pamilyar na tinig ng isang babae kung kanino.
"E boss mukhang naparami ata ang ini-inject sa kanyang pampatulog noong isa kong kasama," pangangatwiran ng isang boses lalaki.
Kahit gising na siya ay nagkunwari pa rin siyang tulog. Pinakikiramdaman muna niya kasi ang nasa paligid kung anong nangyayari.
"Bobo, edi gisingin mo! Ano 'yon hihintayin pa natin na magising 'yan?" sigaw pa ulit nito.
"Yes boss!" sabay na sagot ng dalawang lalaki.
Narinig niya ang mga yabag nito papunta sa kinaroroonan niya.
Pigil ang kanyang hininga habang hinihintay niyang lumapit ang mga ito sa kanya. Nagtatalo ang isip niya kung didilat na ba siya o hindi.
Ramdam din niyan
