Masaya siyang nakatanaw kay Edward habang gumagawa ito ng white fence sa hardin na puno ng halamang namumulaklak. Buwan ng Mayo kaya malago ang mga rosas at santan kasama ng iba pang mga halamang ligaw na magaganda pa ring pagmasdan. Limang taon na ang nakalipas mula ng ikasal silang dalawa sa opisina ng kaibigan nitong judge sa Quezon City bago sila umuwi sa hacienda. Nang iuwi siya ni Edward sa bahay ng mga magulang ay agad siyang sinalubong ng Inay Sabel nito at humingi ng paumanhin. Sa kabila ng pagkamatay ng Daddy niya ay napawi ni Edward ang lahat ng sakit na dinanas niya ng ilang araw. Though she misses her father everyday, malaking bagay ang presensya ni Edward para malagpasan niya ang madilim na bahaging iyon ng kanyang buhay.
“Akala ko’y sa akin nakapako ang tingin mo, pe
