Nagulat si Edward nang pagbalik niya’y isang tawag mula sa abogado ang natanggap niya at nakikipag-set ng meeting ngayong araw sa kanila kasama ng iba pang trabahador sa bukid. Kahapon pa siya nag-aalala kay Alexa dahil madalas nitong hindi sagutin ang tawag niya. Kapag si Nelia naman ang kausap niya’y ayaw ring magsalita. At kaninang pinuntahan niya ang mansyon ay malinis na ang mga silid at wala na ang anumang gamit ng mag-ama. Umahon na ang kaba sa dibdib niya at unti-unting kinakapos ng paghinga. Kung hindi lang importante ang ipagkakausap ng abogado sa kanila’y hahanapin niya agad ang kasintahan.
“Hindi n’yo man lang ba napansing umalis si Alexa, Inay?” tanong niya sa ina. Hindi na siya mapakali.
“Lagi namang umaalis ang sasakyan niya, Edward. Hindi ko naman puwedeng
