Agad in-admit ang ama sa emergency hanggang magpasya ang doktor nito na i-admit ito sa ICU ng ospital. Si Edward ay nanatili sa tabi niya at iniwasan nilang pag-usapan ang nangyari kanina sa bahay nito.
“Kumain muna tayo, Alexa. Hindi pa tayo nakakapaghapunan,” wika nitohabang nasa waiting area sila ng ospital. Puno ng pag-aalala ang mukha nito at ang pagmamahal sa kanya. Hindi niya alam kung kaya niyang palayain ito at lumayo katulad ng hiling ng ina nito. He has been her strength in the past weeks of her life. Kung wala ito ngayo’y matagal na siyang tumumba sa pag-aalala sa Daddy niya.
“Thank you, Edward,” sa halip ay sabi niya. “Lagi kang nasa tabi ko sa mga panahong kailangan ko ng karamay.”
Ginagap nito ang mga kamay niya bago binatawan at yumakap. “I will alwa
