Mahigit isang linggo nang nakaalis si Edward at talagang nami-miss ni Alexa ang presensiya ng kasintahan lalo kapag nasa bukid siya. Tulad ng bilin nito’y sa umaga lang siya naroon at umaalis bago magtanghali. Nitong mga nakaraang araw ay napapansin din niyang madalas hapuin ang ama kahit sa ilang saglit lang na paglalakad kaya mas madalas lang ito sa silid.
“Gusto mo bang dalhin kita sa doktor, Dad?” Tanong niya sa ama habang kasabay itong kumakain ng tanghalian.
“Wala namang ibang sasabihin ang mga doktor kung hindi ang pag-inom ng gamot, Anak. Huwag mo akong alalahanin. Kumusta kayo ni Edward?”
“Okay naman ho. May dalawang linggo pa siyang natitira sa opisina.”
“Gusto kong makasal na kayo sa lalong madaling panahon. Nakausap ko na ang abogado natin at nailipat k
