Chapter 48
MASAYA AT NAGDIRIWANG na ang lahat nang makumpirma ang pagkawasak ng TP99. Kinuha nila ang data nito at agad na ipinadala sa mga boss. Sira na ang source nito ng mana kaya tiyak na hindi na iyon mabubuhay pa. Ito ang unang data na nakuha nila sa pinakamalakas na Marcolld kaya naman agad nilang sinuri iyon sa tulong ng mga hackers.
Halos lahat sila ay hapong-hapong naupo at nahiga sa lupa. Gusto na nilang maka-uwi upang makapagpahinga na at makatulog. Kailangan na lamang nilang hintayin ang utos ng mga boss kung paano babalik. Tiyak na makararating na ang sasakyan upang sunduin sila dahil natalo na nila ang TP99.
Nilapitan ni Matthew si Limea na nakaupo sa isang malaking tipak ng bato. Nakapikit ang dalaga kaya akala niya ay natutulog na ito. Ngunit nang makalapit ay napansin
