Chapter 43 - Team Phoenix
Limea Seay Meadow
"Kumusta, p're? Tagal mong natulog, a?" pabirong bungad ni Warlo kay Matthew nang makalabas kami sa tinutuluyan namin.
Mga nakangiti silang bumungad sa 'min. Ang wala lang rito ay ang mga nasa may kalayuan para magmasid, sina Captain Alton, Lance at si Sparrow. Sa team naman nina Captain Loki ay sina Jeminah, at si Captain mismo.
"Pasensiya na kung natagalan," ani Matthew. Binati rin niya ang iba pa nang may ngiti sa labi. Halata mo ang panlalata niya ngunit hindi naman siya nangayayat. Ganoon pa rin ang laki ng katawan niya.
Pinagmasdan ko lang sila habang masayang nag-uusap. Mukhang malapit na ang loob nina Nicy kina Warlo dahil mga nagbibiroan na sila. Ganoon ba kami katagal na nanatili sa loob at hindi namin namalayan ang relasyon ng baw
