ADONIS
Kitang-kita ko kung paano inilagay ni Atasha sa puntod ng lalaking iyon ang mga bulaklak– pati na rin ang litratong nakalagay sa gilid ng lapida ay hinaplos niya.
Hindi ako pwedeng magkamali. Pilit kong binalikan sa alaala ko ang araw na iyon na para bang binabagabag ako ng konsensya ko.
Nasa planta ako upang magdeliver ng package kay Siobeh. Ang laman non ay tatlong kilo ng drugs at paraphernalia na inilagay namin sa mga furnitures at isang malaking suitcase na may lamang 50 million pesos.
Inutusan ko ang matapat na kanang kamay ko na si Jhondo Del Riego na maghanap ng tao na magde-deliver ng mga ito kay Siobeh. Isang taong may sariling sasakyan, walang criminal record at may trabahong legal at doon ay nahanap niya si Antonio Montenegro na isang company driver.
*Flashback*
