TINAASAN ni Aria ng kilay ang asawa ng pagkatapos nitong ilagay ang pinamili nilang dalawa kanina sa Grocery Store sa isang Mall sa cupboard sa may kusina ay bumaling ito sa kanya. At napansin din niya ang pagtaas ng sulok ng labi nito habang nakatingin sa kanya.
"What?" tanong naman niya dito habang sinasalubong niya ang titig nito.
At sa halip naman na sagutin siya nito ay lumapit ito sa kanya. Napaatras naman siya ng isang hakbang pero ang asawa tuloy-tuloy pa din sa paghakbang palapit sa kanya hanggang sa wala na siyang maatrasan pa dahil tumama na ang likod niya sa pader.
Lalo namang ngumisi ang asawa sa kanya nang makita nito na wala na siyang maatrasan pa. Pagkatapos niyon ay itinukod nito ang isang kamay sa bandang ulo niya habang ang mata ay nanatiling nakatunghay sa kanya.
