NAGISING si Aria kinabukasan na parang may humahaplos ng masuyo sa mukha niya. At kahit naman hindi siya magmulat ng mga mata ay kilala niya kung sino ang humahaplos ng mukha niya. Walang iba kundi ang asawa niya.
At sa halip na magmulat si Aria ng mga mata ay nanatili siyang nakapikit at nagkunwaring natutulog pa.
Lihim naman siyang napangiti nang maramdaman niya ang mainit na titig ng asawa sa kanya. Siguro ganoon lagi ang ginagawa nito, kapag nauuna itong nagigising ay pinagmamasdan siya nito.
Para ding ikaw, Aria, wika naman ng bahagi ng isipan niya.
Tama nga ang sinabi ng isipan. Kapag siya ang nauunang nagising sa kanila ay pinagmamasdan niya din niya ito. She love staring at him. Lalo na kapag natutulog ito kasi malaya niya itong natititigan.
Mayamaya ay pigil niya ang hini
