TININGNAN ni Aria ang suot na wristwatch at nakita niya na halos limang minuto na ang lumipas pero wala pa din ang asawa niya na magsusundo sa kanya
Hinihintay kasi niya ang pagdating nito sa clinic niya. Wala kasi itong sinabi sa kanya kaya siguradong susunduin siya nito. Nakaalis na din si Mina ng makalabas silang dalawa sa clinic after clinic hours. Hindi pa sana ito aalis, hihintayin pa nito ang pagdating ng sundo niya pero sinabihan niya ito na umalis na dahil kaya na niya ang sarili.
Nagpakawala naman si Aria ng malalim na buntong-hininga. Pero nang lumipas ulit ang ilang minuto ay hindi pa din dumadating ang asawa ay hindi niya maiwasan ang makaramdam ng pag-alala. Sa sandaling iyon ay ang dami-dami nang pumapasok sa isip niya kung bakit wala pa ito hanggang ngayon. Hindi naman
