NAKAKUNOT ang noo ni Aiden habang nakatitig sa monitor ng laptop niya. Kanina pa kasi siya nakatitig sa monitor ng laptop niya dahil hinihintay niya ang email sa kanya ng kakambal na si Angelo.
May usapan kasi silang dalawa na i-e-email nito sa kanya ang hinihinging proposal ng isa sa mga investor ng kompanya nito na si Apollo Guevas--ang may-ari ng pinakamalaking Guevas Bank.
Well, nang magpanggap siyang si Angelo ay siya ang humaharap sa investor nito pero ito naman ang gumagawa ng mga proposal. Iyon din ang ginagawa ng kakambal habang nasa California ito. Ito muna ang pansamantalang nagma-manage niyon. Kapag may kailangan ito ay tinatawagan siya nito. At kapag may free time ay siya ang gumagawa ng blueprint ng kailangan ng mga kliyente niya at ipinapasa niya iyon dito at ito ang mag
