"BABE, hintayin mo na lang ako sa grocery store. Punta lang ako saglit sa Comfort room," wika ni Aria ng makapasok silang dalawa sa Rivas Mall ng sandaling iyon.
Pagkatapos siya nitong sunduin sa Clinic niya after clinic hours ay dumiretso silang dalawa sa Mall para mag-grocery para sa bahay. Paubos na kasi ang mga stock ng grocery nila sa bahay. Wala na ding masyadong laman ang fridge nilang dalawa kaya kailangan na nilang mag-grocery.
Napansin naman ni Aria ang bahagyang pagkunot ng noo nito ng balingan siya nito. "Call of nature," sabi naman niya dito. Naiihi na kasi si Aria, umihi naman na siya kanina ng pag-aalis nila sa clinic. Pero siguro dahil uminom siya ng tubig ay naiihi ulit siya.
"I'll come with you," wika naman nito aa kanya.
Umiling naman si Aria. "Huwag na, babe. Hin
