HINDI napigilan ni Aiden ang mapakunot ng noo ng pagbukas niya ng pinto sa condo niya ay agad niyang nakita ang kakambal na si Angelo na nakatayo sa labas ng pinto. Ang kakambal pala ang nag-doorbell sa condo niya.
"What are you doing here?" tanong naman niya dito ng magtama ang mga mata nila, hindi pa din nagbabago ang ekspresyon ng mukha niya. At habang nakatingin siya dito ay parang nakatingin din siya sa repleksiyon sa salamin dahil magkamukha sila. Nakikita kasi niya ang sarili sa kakambal.
Hindi naman alam ni Aiden na bibisita sa kanya ang kakambal. Wala naman kasi itong pasabi sa kanya. At ma-swerte ito dahil nadatnan siya nito sa condo niya. Aalis sana siya ng condo at pupunta siya sa bar pero biglang nagbago ang isip niya. Naisip na lang niya na sa condo na lang siya uminom. Ma
