PAGKATAPOS siyang sunduin ni Kyla ay ideneretso siya nito sa condo nito. Tinatanong siya nito kung saan niya gusto pumunta pero hindi niya ito sinasagot. Sa loob ng biyahe nila ay hindi siya nagsasalita, umiiyak lang siya. Halos walang tigil ang pagtulo ng luha sa mga mata niya. Para nga iyong waterfalls na walang tigil sa pagdaloy.
"Aria, anong problema? May nangyari ba? Bakit ka umiiyak?" tanong ng kaibigan, mababakas sa boses nito ang pag-alala. Kanina pa siya nito tinatanong, noong makita siya nitong umiiyak noong sunduin siya nito ay tinatanong na siya pero hindi siya sumasagot. Kita nga niya ang pinaghalong pagtataka at pag-alala sa mukha nito. Pero sa halip na sagutin niya ito ay nanatili lang siyang tahimik habang umiiyak. Para kasing naumid ang dila niya sa sandaling iyon dahil
