NAPATINGIN si Aria sa cellphone na nakalapag sa ibabaw ng center table ng marinig niyang tumunog iyon. Bumangon naman siya mula sa pagkakahiga niya sa sofa para kunin niya ang cellphone na tumutunog.
Nasa sala kasi siya ng bahay sa sandaling iyon. Tinatamad kasi siyang magkikilos kaya naisipan na lang niyang humiga at manuod na lang siya ng TV. Dinampot naman ni Aria ang cellphone at ganoon na lang ang pagkislap ng kanyang mata nang makita at mabasa na ang asawa ang tumatawag sa kanya. Bigla siyang nagkaroon ng energy ng sandaling iyon nang makita niya ang pangalan ng asawa na tumatawag sa kanya.
Agad naman niyang sinagot ang tawag nito. "Babe," wika niya ng sagutin niya ang tawag. Hindi din naitago sa kanyang boses ang excitement ng nararamdaman.
"Aria, babe," wika naman nito mula sa
