"Ano?!" gulat na sabi ni Nayume matapos niyang marinig ang totoong kalagayan ng kanilang ama matapos na nagwala ang kanilang tiyuhin dahil naniningil na ito sa kanilang kinuhang pera.
Naningil ang kapatid ng kanilang ina sa naging utang nila at nang walang perang maibigay ang mga ito ay sapilitang kinuha ng mga ito ang lahat nilang appliances kahit na hindi sila pumayag.
Sa kaaawat ni Leon ay naitulak siya ng malakas ang kanyang bayawa dahilan para bumagsak siya at tumama ang kanyang ulo sa isang matigas na bagay na naging sanhi ng pagkawala ng ulirat nito at dahil sa lakas ng pagkabagok ay dumugo ang ulo nito.
Dahan-dahan na dumausdos mula sa palad ni Nayume ang kanyang hawak na phone saka ito tuluyang nahulog sa sahig na siyang umagaw sa atensiyon ng kanyang mga kasamahan sa kompanya.
